ဘလော့ဂ်သုံးစွဲမှု ဆန်းစစ် လေ့လာချက်များ

Oro Sucio ဟာ အာဂျင်တီးနားနိုင်ငံရဲ့ မိုင်းတွင်းများမှာ ဖြစ်ပျက်နေတဲ့  ခေါင်းပုံဖြတ်မှုနဲ့၊ နိုင်ငံရေး၊ ပတ်ဝန်းကျင်ဆိုင်ရာ အကျိုး သက်ရောက်မှုတွေ အကြောင်းကို လေ့လာဆန်းစစ်တဲ့ ဘလော့ဂ် တခု ဖြစ်တယ်။ ဘလော့ဂ်ပေါ်မှာ ကွင်းဆင်း လေ့လာချက် မှတ်တမ်းတွေကို ထုတ်ပြန်ထားတယ်။ အာဂျင်တီးနား နိုင်ငံနဲ့ ကမ္ဘာတ၀ှမ်းမှာ ရှိကြတဲ့ ပတ်ဝန်းကျင်ဆိုင်ရာ ထက်ကြွလှုပ်ရှားမှုတွေမှာ ပါဝင်ကြတဲ့ လူတွေ၊ အဖွဲ့အစည်းတွေနဲ့ အမြဲတမ်း အဆက်အသွယ် လုပ်နေကြတယ်။

Sabbah's Blog ဟာ ပါလက်စတိုင်း လူမျိုးအပေါ် လူ့အခွင့်အရေး ချိုးဖေါက်မှုတွေနဲ့ သိမ်းဆည်းခံရတဲ့ နေမြေဒေသတွေမှာ နေထိုင်ကြတဲ့ ပါလက်စတိုင်း လူမျိုးတွေရဲ့ လူနေမှုဘ၀ အစစ်အမှန်ကို မီးမောင်း ထိုးပြပေးပြီး သတင်း အချက်အလက် အစုံအလင်ကို တင်ပြပေးတဲ့ ဘလော့ဂ် တခု ဖြစ်တယ်။ အဲဒီထဲမှာ သတင်း ပေးပို့ချက်တွေ၊ ရှင်းလင်းချက်တွေနဲ့ ဗွီဒီယိုတွေလည်း ပါဝင်တယ်။

Sokwanele ဟာ ဇင်ဘာဘွေ အခြေစိုက် တက်ကြွလှုပ်ရှားသူ တဦးရဲ့ ဘလော့ဂ် စာမျက်နှာ တခု ဖြစ်ပြီး၊ ဇင်ဘာဘွေနိုင်ငံမှာ ဖြစ်ပျက်နေတဲ့ လူ့အခွင့်အရေး ချိုးဖေါက်မှုတွေ၊ ဖိနှိပ်ချုပ်ချယ်မှုတွေကို ရှင်းလင်းချက်တွေ၊ သတင်း ပေးပို့ချက်တွေ၊ ဗွီဒီယို၊ ဓါတ်ပုံတွေနဲ့ မီးမောင်း ထိုးပြထားတယ်။ ဒီဘလော့ဂ်ဟာ မိမိရဲ့ အထောက်အထားကို ဖေါ်ထုတ်ခံလိုက်ရတဲ့ အတွက် ထိခိုက်နစ်နာနိုင်၊ လုံခြုံရေးအတွက် အန္တရာယ် ကျရောက်နိုင်တဲ့ နိုင်ငံတွေ၊ အခြေအနေတွေနဲ့ ရင်ဆိုင်ကြုံတွေ့ရတဲ့အခါ မိမိကိုယ်ကို နာမည် ၀ှက်ပြီး ဘလော့ဂ်တွေကို သုံးစွဲနိုင်တဲ့ နမူနာ တခုကို ပြသနေတယ်။ Sokwanele ဟာ တသမတ်တည်း ရှိပြီး၊ စည်းရုံးလှုပ်ရှားမှုကို အခြေခံတဲ့ သတင်း အချက်အလက် အစုံအလင်ကို ပုံမှန် တင်ပို့ပေးနေတဲ့အတွက် အောင်မြင်မှု အတော်လေး ရရှိနေတယ်။ ဘလော့ဂါတွေ၊ စာဖတ်သူတွေ စတဲ့ ထောက်ခံအားပေးသူတွေ ပါဝင်တဲ့ ကွန်ရက် တခုကိုလည်း သူတို့ ဖွဲ့စည်းခဲ့ကြတယ်။

Abahlali baseMjondolo ဟာ တောင်အာဖရိကမှာ ရှိတဲ့ ဒါဘန်မြို့က တဲကုပ်မှာ နေထိုင်ကြသူတွေရဲ့ လူမှုရေးဆိုင်ရာ လှုပ်ရှားမှု တခု ဖြစ်တယ်။ သူတို့ရဲ့ ဘလော့ဂ်ပေါ်မှာ တဲကုပ်တွေမှာ နေထိုင်သူတွေက ရင်ဆိုင်ကြုံတွေ့ရတဲ့ ရဲတွေရဲ့ ဒုက္ခပေး နှောင့်ယှက်မှုတွေ၊ စည်ပင်သာယာရေး အဖွဲ့ရဲ့ မောင်းထုတ်ခံရမှုတွေကို သတင်း ပေးပို့ချက်တွေ၊ ထုတ်ပြန်ချက်တွေ၊ အတွေးအမြင်/ ရှင်းလင်းချက် ဆောင်းပါးတွေ စတဲ့ ပုံစံအမျိုးမျိုး အသုံးပြုပြီး နိုင်ငံတကာကို အသိပေး ထုတ်လွှင့်ပေးခဲ့ကြတယ်။ Abahlali ဘလော့ဂ်ဟာ တောင်အာဖရိကရဲ့ မြေပိုင်ဆိုင်မှု အခွင့်အရေးနဲ့ တရားမ၀င် အခြေချ နေထိုင်မှုတွေ ဖေါ်ပြတဲ့ သတင်း အချက်အလက် အရင်းအမြစ် တခု ဖြစ်ပြီး၊ မြေပိုင်ဆိုင်မှု အခွင့်အရေးအတွက် အပြည်ပြည် ဆိုင်ရာ အားပေး ထောက်ခံမှု ရရှိရေး၊ စည်းရုံးလှုံ့ဆော်ရေးတွေ စီစဉ်ရာမှာ လိုအပ်တဲ့ ရန်ပုံငွေ ရရှိရေး တို့အတွက် နည်းစနစ်တခု ဖြစ်လာတယ်။ သူတို့ရဲ့ ဘလော့ဂ်ကို အသုံးပြုပြီး ဇင်ဘာဘွေ၊ ဟေတီနဲ့ ကင်ညာနိုင်ငံတို့မှာ တရားမ၀င် အခြေချ နေထိုင်လာကြတဲ့ ဒုက္ခသည်တွေရဲ့ အကြောင်းကို မီးမောင်း ထိုးပြပြီး၊ အဲဒီနိုင်ငံတွေမှာ ရှိကြတဲ့ လူမှုရေး လှုပ်ရှားမှုအဖွဲ့တွေနဲ့ အဆက်အသွယ်တွေ ပြုလုပ်ခဲ့ကြတယ်။ Abahlali ရဲ့ ဘလော့ဂ်ပေါ်မှာ စာသား၊ ဓါတ်ပုံတွေနဲ့ ဗွီဒီယိုတွေကို ပေါင်းစပ်ပြီး ထုတ်လွှင့်ထားတယ်။

Black Locks ဟာ ပန် အာဖရိကန် တက်ကြွလှုပ်ရှားသူ တဦးရဲ့ ဘလော့ဂ် တခု ဖြစ်တယ်။ အဲဒီ ဘလော့ဂ်ပေါ်မှာ လူ့အခွင့်အရေး၊ လူမှုရေး တရားစီရင်မှုတွေနဲ့ ပါတ်သက်တဲ့ အမှုအခင်းတွေကို လွှင့်တင်ထားတယ်။ အတော်လေး အောင်မြင်မှု ရနေပြီး ဆုချီးမြှင့်ခံရတဲ့ ဘလော့ဂ် တခု ဖြစ်လာတယ်။ အဲဒီ ဘလော့ဂ်ပေါ်မှာ (သတင်း ပေးပို့ချက်၊ အတွေးအမြင်၊ အစီရင်ခံချက်၊ လှုပ်ရှားမှု သတိပေးချက်တွေနဲ့ အသေးစိတ် လေ့လာဆန်းစစ်ချက်တွေ ပါတဲ့) စတိုင် အမျိုးမျိုးကို အသုံးပြုပြီး ပုံမှန် တင်ပို့ချက်တွေကို အခြေခံ လွှင့်တင်ပေးထားတယ်၊ အကြောင်းအရာ မျိုးစုံကိုလည်း ထည့်သွင်းပေးထားတယ်။ လူမှု ဆက်ဆံရေး ကွန်ရက်သုံး ကိရိယာတွေကို အသုံးချပြီး ဖြစ်ဖြစ်၊ ရရှိနိုင်တဲ့ နည်းပညာတွေကို အကြီးအကျယ် အသုံးချပြီး ဖြစ်ဖြစ် တခြားတိုက်ကြီးတွေ၊ တခြား နိုင်ငံတွေမှာ ပြန့်နှံ့နေထိုင်ကြတဲ့ တက်ကြွလှုပ်ရှားသူ ဘလော့ဂါတွေနဲ့ ကွန်ရက် အချိတ်အဆက် လုပ်နေကြတဲ့အပြင်၊ ပထ၀ီ အနေအထားအရ နယ်မြေခြားထားတဲ့ နေရာဒေသမှာ နေထိုင်တဲ့ တခြားအဖွဲ့တွေနဲ့ ခိုင်မာတဲ့ လူအချင်းချင်း ဆက်ဆံရေး၊ အဖွဲ့အစည်းချင်း ဆက်ဆံရေးတွေကို တည်ဆောက်ခဲ့ကြတယ်။

Jackie Tumwine ဟာ ယူဂန်ဒါနိုင်ငံက 'ဆေးလိပ်သောက်ခြင်း တားဆီးရေး လှုပ်ရှားမှု' အဖွဲ့တဖွဲ့ ဖြစ်တယ်။ ဆေးလိပ် သောက်ခြင်းကို ဆန့်ကျင်တဲ့ ဥပဒေ ပြဌာန်းထားတဲ့ နိုင်ငံတွေအလိုက် အစီရင်ခံချက်တွေ ထုတ်ပြန်တဲ့အပြင်၊ ဆေးလိပ် သောက်ခြင်း ပြဿနာကို ရင်ဆိုင်နေကြရတဲ့ ယောကျာင်္း မိန်းမ၊ ကလေး အခွင့်အရေးတွေအကြောင်းကို အစီရင်ခံချက် ထုတ်ပြန်ပေးခြင်းဖြင့်၊ လူထုရဲ့ နေ့စဉ် အသက်တာမှာ နေရာယူလာနေတဲ့ ဆေးလိပ်သောက်ခြင်း တိုးပွားလာမှုကို တိုက်လှန်ပြီး ပြုပြင်ပြောင်းလဲမှုတွေ လုပ်ဆောင်လာကြတဲ့ အဖွဲ့ အမျိုးမျိုးရဲ့ အားထုတ်မှုကို အားပေးမှုတွေ ပိုမို လုပ်ဆောင်ပေးတယ်။ ဂျက်ကီရဲ့ ဘလော့ဂ်က အမှုအခင်း တခုခုကို အသားပေးဖေါ်ပြတဲ့ လူတဦးတယောက်ရဲ့ ဘလော့ဂ် တခုဟာ နေရာတကာမှာ အသုံးပြုနိုင်တဲ့ အရင်းအမြစ် တခု ဖြစ်လာရုံမက၊ စည်းရုံးလှုပ်ရှားမှုရဲ့ အစိတ်အပိုင်း တခု ဖြစ်လာနိုင်တဲ့ အကောင်းဆုံး နမူနာကို ထင်ဟပ်စေတယ်။
သတင်းဆက်သွယ်ရေး-သတ္တာမှကူးယူဖော်ပြသည်။